МҮОХ-ны тэргүүн дэд ерөнхийлөгч, “Токио-2020” олимпын наадмын Монголын багийн ахлагч Б.Баттүшиг хүндийг өргөлтийн тамирчин, олимпийн IV байрын шагналт М.Анхцэцэгийг хүлээн авч уулзан хүндэтгэл үзүүллээ. Уулзалтын үеэр МҮОХ-ны түнш “Скайтел” групп М.Анхцэцэгийг болон хүндийг өргөлтийн спортыг “Парис-2024” олимпийн мөчлөгт дэмжин ажиллахаа илэрхийлсэн юм. Мөн ирэх 11 дүгээр сард Перу улсын нийслэл Лима хотноо зохиогдох хүндийг өргөлтийн ДАШТ-д амжилттай оролцохыг хүсэн ерөөлөө.