Японы зарим нутгаар их хэмжээний усархаг бороо орсны улмаас хоёр сая орчим оршин суугч гэрээсээ нүүхэд хүрсэн байна. Фукуока, Хирошима зэрэг хэд хэдэн мужид борооны түвшин олон жилийн дунджаас давжээ.

Нагасаки мужид хөрс суларснаас болж хоёр байшин нуран, нэг эмэгтэй нас барж, нөхөр, охин нь сураггүй болжээ.

Тус бүс нутгийн аврах ажиллагаанд хүч нэмэхээр 150 гаруй цэрэг, цагдаа, онцгойгийн алба хаагчдыг илгээсэн байна.

"Тэд алга болсон оршин суугчдыг сайтар хайж байгаа бөгөөд аадар бороо үргэлжлэн орохын хэрээр хөрс сулралт үүсэх магадлалтай байна" гэж албаныхан мэдээлжээ.