Токиогийн олимпын наадмын чөлөөт бөхийн дөрөв дэх өдрийн барилдаан эрэгтэй, эмэгтэйчүүдийн 57 кг-ын жингийн барилдаанаар үргэлжилж байна.

Эмэгтэйчүүдийн 57 кг-ын жинд ОУХМ Б.Хонгорзул Японы бөх Рисако Кавайтай барилдаж 7:0 харьцаагаар ялагдлаа.

Манай бөхтэй барилдсан Японы бөх Рисако Кавай нь дөрвөн удаагийн Азийн аварга, гурван удаагийн дэлхийн аварга, 2016 оны Риогийн олимпын алтан медальт тамирчин юм.

Япон тамирчин үдээс хойш хагас шигшээд олимпийн аварга АНУ-ын Хелен Марулисыг ялсан тохиолдолд Б.Хонгорзулд маргааш дагах болон хүрэл медалийн төлөө барилдах боломж гарч ирнэ.