Монгол Улсын Ерөнхийлөгчид нэр дэвшигчдийн мэтгэлцээн өнөөдөр 17.30 цагт болохоор товлогдож, хөтөлбөрт заагдаад буй. Мэтгэлцээн болох гэж байгаатай холбогдуулан сурталчилгааны цагуудад ч өөрчлөлт орсон талаар СЕХ-ноос мэдээлсэн. Тэгвэл "Зөв хүн электорат" эвслээс нэр дэвшигч Д.Энхбат халдвар авсантай холбогдуулан мэтгэлцээнийг хэрхэн яаж, хийх эсэх талаарх шийдвэрийг өнөөдөр МҮОНРТ-ийн Гүйцэтгэх захирал гурван намын Ерөнхий менежерүүдтэй уулзаж ярилцаж, шийдэх аж.
Хэдийгээр өчигдөр гурван нэр дэвшигчийн сонгуулийн Ерөнхий менежерүүдтэй уулзаж мэтгэлцээнийг хэрхэн хийх талаар ярилцсан ч тодорхой шийдвэр гаргаж чадаагүй байна. Учир нь онлайнаар явуулахад тэгш байдал хангагдахгүй гэж үзжээ. МҮОНРТ-ийн Гүйцэтгэх захирал А.Бүрэнбаатар шийдвэрийг "Өнөөдөр 13.00 цагийн үед гаргачих байх" гэжээ.
