Мэргэжлийн хяналтын байгууллага нэгдүгээр сарын 6-наас эхлэн системийн хэмжээнд өндөржүүлсэн бэлэн байдалд шилжин, 2,200 албан хаагч ажиллаж байгаа юм. Энэ хугацаанд хийж хэрэгжүүлж буй үйл ажиллагааг МХЕГ-ын Эрүүл мэндийн хяналтын хэлтсийн дарга Д.Баярболд танилцуулав. Тэрбээр

• Улсын Онцгой комиссын гуравдугаар сарын 1-ний өдрийн хуралдааны тэмдэглэлээр Эрхүү-Улаан-Үд чиглэлийн нислэгийг гуравдугаар сарын 11-н хүртэл зогсоосон. Мөн БНСУ, Япон улсаас ОХУ-аар дамжин нутагтаа ирж буй иргэдийг Буянт-Ухаа, Сүхбаатар, Алтанбулаг боомтоор нэвтрүүлэх болсон тул Сэлэнгэ аймгийн боомтуудаар ирэх зорчигдын тоо нэмэгдэж, хилийн хяналтын ачааллыг нэмэгдүүлсэн тул МХЕГ-ын даргын шийдвэрээр тус боомтод улсын байцаагчдыг нэмэлтээр дайчлан ажиллуулж байгаа.
   
• Энэ сарын 15-наас нүүрсний экспортыг эхлүүлэх тул холбогдох боомтуудад улсын байцаагчдыг дайчлан ажиллуулахаар бэлтгэлийг хангуулж байна. 
   
• Тусгай горимд шилжин ажилласнаас эхлэн нийт хот хоорондын 68 зорчигч тээврийн автобус, 12,393 нийтийн тээврийн хэрэгслийн цэвэрлэгээ, ариутгал халдваргүйжүүлэлтийн байдалд хяналт хийв.
   
• Мөн давхардсан тоогоор 551 шашны байгууллагад олон нийтийг хамарсан арга хэмжээ, хурал, цуглааныг зохион байгуулахгүй байх мэдэгдэл хүргүүлж, түүнд хяналт тавьж байна. 
   
• Эрүүл мэндийн байгууллагын бэлэн байдлын хяналтыг 385 эмнэлэгт хийж, 73 эмнэлэгт албан шаардлага, зөвлөмж хүргүүлсэн. 
   
• Нийтийн эзэмшлийн талбайд гар дээрээс хүнсний бүтээгдэхүүн борлуулж байсан 240 иргэний үйл ажиллагааг цагдаагийн байгууллагатай хамтран таслан зогсоосон. 
   
• Онцгой комиссын шийдвэрийн дагуу хоёрдугаар сарын 13-наас өнөөдрийг хүртэл БНХАУ-аас болон тус улсаар дамжин ирсэн нийт 3,300 чингэлэг ачаа, 483 галт тэргэнд халдваргүйтгэл хийлгэж, хяналт тавьсан.
   
• Гуравдугаар сарын 3-наас хот хоорондын хөдөлгөөнийг нээсэн тул 105 шалгах нэвтрүүлэх цэгт 166 улсын байцаагч ажиллаж, зорчигчдоос асуумж авч байна. Өнөөдөр өглөөний 09:00 цагийн байдлаар 83,926 тээврийн хэрэгсэл, 305,200 зорчигчид хяналт тавьж, асуумжийг авсан байна хэмээлээ