ОХУ-ын Эрхүү хотод болж буй бөмбөгтэй хоккейн ДАШТ-ий хасагдах шатны тоглолт болж байна. Тус шатанд Монгол Улсын шигшээ баг Чехийн багтай тоглож, 2:1 харьцаатай ялалт байгууллаа.

Ингэснээр хагас шигшээ тоглолтонд шалгарч Украйн, Латвийн багуудын аль хожсонтой нь финалд үлдэх эрхийн төлөө өрсөлдөх болоод байна.

Монголын шигшээ багийн тухайд тэмцээний В хэсэгт Япон, Латви, Словак, Сомалийн багуудыг хожиж хэсгээ тэргүүлснээр хасагдах шатанд шалгараад байгаа юм.

Ийнхүү дараалсан 5 дахь ялалтаа байгууллаа. Хэсгийн тоглолтонд Сомалиг 10:0, Словакийг 4:0, Японы багийг 2:1-ийн харьцаатай, хасагдах шатанд Чехийг 2:1 харьцаатай тус тус хожлоо.