Бүгд Найрамдах Чех улсын Усти-над-Лабем хотноо эрэгтэй, эмэгтэй боксчдын уламжлалт Гран-при олон улсын 51 дэх удаагийн тэмцээн болж уржигдар өндөрлөлөө.

  Тус тэмцээний алтан медалийн төлөө Монголын зургаан боксчин шалгаран тоглосон. Эмэгтэйчүүдийн 57 кг-ын жинд тоглосон О.Есүгэн, эрэгтэйчүүдийн 63 кг-д өрсөлдсөн Э.Цэндбаатар нар аваргын алтан медаль хүртэв. Мөн эмэгтэйчүүдийн 51 кг-д хүч үзсэн Л.Алтанцэцэг, эрэгтэйчүүдийн 52 кг-д Х.Энхмандах. 57 кг-д Х.Энх-Амар. 75 кг-д О.Бямба-Эрдэнэ нар мөнгөн медаль хүртлээ. Түүнчлэн эрэгтэйчүүдийн 63 кг-д нударга зөрүүлсэн Б.Чинзориг, 69 кг-ын Б.Мишээлт нар Чехийн Гран-при тэмцээнээс хүрэл медаль хүртлээ.