Энэ мэдээ хуучирсан буюу 2021/05/09-нд нийтлэгдсэн мэдээ болно.

“Ingenuity” Ангараг дээр анх удаа шинэ байршил руу нисжээ

Ангилал
Дэлхий дахинд
Хэзээ
2021/05/09
Унших
1 минут 18 секунд
QR кодыг уншуулж мэдээг утсаараа унших боломжтой.

  АНУ-ын Агаарын нислэг, сансрын уудмыг шинжлэн судлах төвийн (NASA) “Ingenuity” бяцхан нисдэг Ангараг гараг дээр тав дахь нислэгээ хийх үеэрээ анх удаа шинэ байршил руу нисжээ.

  Нислэг баасан гарагт АНУ-ын Зүүн эргийн цагаар 15:26 цагт эхэлж, 108 секунд үргэлжилсэн байна. Энэ хугацаанд “Ingenuity” өмнө зүгт 129 метрийн зайд шинэ байрлалд шилжиж, хамгийн дээд тал нь 10 м өндөрт гарчээ. Өмнөх дөрвөн нислэгийн үеэр бяцхан нисдэг тэрэг хөөрсөн газартаа л эргэж ирж байв.

  Үүнээс гадна, NASA “Perseverance” аппарат “Ingenuity”-гийн дөрөв дэх нислэгийн үеэр сэнснийх нь чимээг анх удаа бичиж авч чадсаныг мэдээлсэн байна. Ангарагийн агаар мандал цахилгаан цэнэгжилтгүй учраас “Ingenuity”-гийн нислэгийн чимээг бичиж чадна гэдэгт NASA-гийн мэргэжилтнүүд итгэлгүй байжээ. Нийт 80 сая ам.долларын өртгөөр бүтсэн, 1.8 кг жинтэй уг нисдэг тэргийг “Perseverance” өөрөө явагч аппаратын хамт Ангараг руу илгээсэн билээ.

Энэ мэдээ хуучирсан буюу 2021/05/09-нд нийтлэгдсэн мэдээ болно.