Ардчилсан нам дотоод маргаанаасаа болж хоёр нэр дэвшигчийг Ерөнхийлөгчийн сонгуульд нэр дэвшүүлж олон асуудлыг араасаа дагуулж байна.

Өнөөдөр СЕХ С.Эрдэнэ нэр дэвшигчийг албан ёсоор бүртгэж авсан бол Н.Алтанхуяг талын гишүүд үүнийг нь эсэргүүцэж төв талбай дээрх улс төрийн өлсгөлөнгөө үргэлжлүүлсээр байгаа юм. Мөн нөгөө тал болох М.Тулгатын талынхан талбай дээр очиж УИХ дахь АН-ын гишүүдтэй уулзах гэсэн боловч дэмжигчид нь сөргөлдөөн үүсгэж тэднийг талбайгаас хөөж явуулсан. Тэгвэл АН-ын асуудалтай холбоотойгоор УИХ-ын гишүүн асан Н.Номтойбаяр өөрийн твиттер хуудснаа нэгэн сонирхолтой байр суурийг илэрхийлжээ.

Тэрбээр, "АН-ын хагарал улстөр, нийгмийн таагүй нөхцөл үүсгэлээ. Өлсгөлөн биш зөвшилцөл бол гарц. Тиймээс 100 настай МАН ах шиг нь байж УИХ-аар сонгуулийн хуульд заасан цаг өдрийг хөдөлгөх нэмэлт өөрчлөлтийг яаралтай горимоор хэлэлцэж, 72 цагийн дотор учраа олох боломжийг АН-д олгох гарц байна" гэж жиргэжээ.

Баяр