АН-аас Ерөнхийлөгчийн сонгуулийн сунгаанд өрсөлдөх гишүүдийн бүртгэл үргэлжилж байна.
Нэр дэвшигч Л.Гүндалай: -Надад С.Эрдэнэ даргын гарын үсэгтэй намын батлах бий. Еэвэн хувааж буй шиг нам хуваагдана гэж байхгүй. Дээрээ л хэдэн хүн хоёр нам байгуулаад байгаа юм. Түүнээс шинэ нам бий болоогүй. Дунд шатны гишүүд АН-даа хэвээрээ л байна. Намын гишүүд хуваагдаагүй. Ц.Туваан тэргүүтэй 50-60 хүн л үймүүлээд байна. Энэ бол цаг уурын үзэгдэл. Ц.Туваан одоогийн ерөнхийлөгчийг дахин нэр дэвшүүлэхийн тулд зохион байгуулалтад орсон. Би “Ард түмнээ хайрлая” намын бичиг баримтыг эхнэртээ өгөөгүй, шилжүүлээгүй. Энэ нам УИХ-д суудалгүй. Иймд энэ намыг хэн авсан нь тийм ч чухал биш. Харин улс орны асуудал илүү чухал тул жижиг асуудал ярихгүй байцгаая.
-УИХ-ын гишүүн С.Ганбаатар Ц.Туваан нарын АН-д элслээ. Та энэ талаар ямар бодолтой байна вэ?
-Энэ бол тэр хүний л сонголт. Гэхдээ АН-ын дүрэмд зааснаар намын гишүүнээр элссэнээс хойш дор хаяж 6 сар өнгөрсний дараа нэр дэвшүүлэх эрхтэй. Энэ дүрмийг яагаад бариагүйг би гайхаж байна. Шүүхэд очоод унана шүү дээ. С.Ганбаатар энэ асуудлыг авч хэлэлцсэнгүй.
-Та тэгвэл нэр дэвших эрхтэй юу?
-Би АН-д олон жил гишүүнээр ажилласан. Энэ намд оруулсан миний хувь нэмэр бий. Миний гишүүнчлэл С.Ганбаатарынхаас өөр.
-Та М.Тулгатыг цахимаар зохион байгуулсан сунгаанд намын даргаар сонгогдоход нь “Байгууллага ч удирдаж үзээгүй” гэж шүүмжилсэн шүү дээ.
-Би шүүмжлэлээ хэлсэн. Дахин давтах шаардлагагүй.
-Та хэнийг хүчтэй өрсөлдөгч гэж бодож байна вэ?
-Би энэ сунгаанд цэвэр ялна. Нэр дэвшигчид дунд хүчтэй хүн байхгүй. Би тэднийг мэднэ, ард түмэн ч мэднэ.
