БНСУ-ын Засгийн газраас энэ сарын 13-наас энэ оны арванхоёрдугаар сарын 31-нд тус улсад ажиллах хугацаа нь дуусаж буй Е-9, Н-2 ангиллын виз бүхий гадаадын иргэний оршин суух визийг нэг жил хүртэлх хугацаагаар сунгахаар шийдвэрлэжээ.

   Коронавирусний халдварын улмаас тус улсад гадаадаас ажиллах хүч оруулах нь тасалдаж, хөдөө аж ахуй, жижиг дунд үйлдвэрлэл зэрэг салбарт ажиллах хүчний хомстол үүссэн тул дээрх шийдвэрийг гаргасан байна. Виз сунгах ажиллагааг нэгдсэн журмаар хэрэгжүүлэх бөгөөд зөвхөн ажил олгогч нь гэрээний хугацааг сунгах тухай бүртгэл хийх юм.