Засгийн газраас гаргасан шийдвэрийн дагуу энэ сарын 10-наас эхлэн 15 хоногийн хөл хорио тогтоогоод байгаа билээ. Хөл хорионы үед ажиллах зөвшөөрөлтэй ААН, байгууллагын ажилчид ажлын үнэмлэх болон бусад бичиг баримтаа шалгуулан хувийн унаагаар зорчих боломжтой бол хувийн унаагүй хэдий ч ажилдаа явах шаардлагатай  иргэд нийтийн тээврээр үйлчлүүлж байна. Гэтэл хөдөлгөөнд оролцож буй автобуснуудын тоо багассантай холбогдон цөөн тоогоор явж буй нийтийн тээвэрт иргэд олноор сууж үйлчлүүлэн хүндрэл учирч байна. Нийтийн тээврээр үйлчлүүлж буй иргэдийн өнөөдрийн нөхцөл байдлыг иргэд цахим орчинд хэрхэн илэрхийлснийг хүргэж байна.