Засгийн газраас гаргасан шийдвэрийн дагуу иргэд өнөөдрөөс 15 хоногийн хөл хорионд орлоо. Тэгвэл өчигдөр хөл хорионоос урьтаж ажил амьдралаа амжуулах гэсэн болон төрөөс иргэн бүрт өгсөн 300 мянган төгрөгөөр худалдаа үйлчилгээ хийхийг зорьсон иргэд дэлгүүр, АТМ, банк, зах худалдааны төвүүд, автозамын хөдөлгөөнийг дээд цэгт тулгалаа.

      Интернэт банк гацаж, мах тэргүүтэй өргөн хэрэглээний бараан үнэ огцом өссөн байдалтай нэг өдрийг нийслэлчүүд үдлээ. Автозамын хөдөлгөөн өмнө байгаагүйгээрээ нэмэгдэж нийслэлчүүд бараг л зам дээрээ хонох шахлаа. Түгжрэл шөнийн 1 цаг өнгөрч байхад хүртэл үргэлжилж байсан нь иргэдийн маш их бухимдуулсан юм. Ингээд "Нэг их наядын түгжрээ" гэх агуулга дор өчигдрийн замын хөдөлгөөн болон дэлгүүрийн нөхцөл байдлуудыг иргэд цахим ертөнцөд хэрхэн илэрхийлж байсныг хүргэж байна.