ШӨТХГ-аас Ерөнхийлөгчийн сонгуулийн тухай хуулийн ямар заалтад хэрхэн хяналт тавьж байгаа талаар дараах мэдээллийг өгөв.

      Ерөнхийлөгчийн сонгуулийн тухай хуулийн гурван заалтад ШӨХТГ хяналт тавих үүрэгтэй. Тодруулбал, хуулийн 43.1.8-д “Ээлжит сонгуулийн жил эхэлснээс хойш хэвлэл мэдээллийн хэрэгсэл, цахим орчин, мессеж ашиглан улс төрийн чансаа тогтоох зорилго бүхий аливаа хэлбэрийн шалгаруулалт, санал асуулга зохион байгуулах, нийтлэхийг хориглоно” гэж заасан. Он гарснаас хойш цахим орчинд ийм хэлбэрийн санал асуулга явуулсан хэд хэдэн зөрчлийг илрүүлж, дүгнэлт гарган, холбогдох байгууллагад шилжүүлсэн.

       Тодруулбал, ХҮН-аас “Ерөнхийлөгчөө захиалья” нэртэй санал асуулга явуулсан тул зогсоох шаардлага хүргүүлээд байгаа. УИХ, орон нутгийн сонгуулийн үеэр гарсан ийм төрлийн зөрчлүүдийн дийлэнх нь цахим сүлжээн дэх хувь хүний хаяг болон олон дагагчтай хуудас эзэмшигчтэй холбоотой байсан.