Ерөнхийлөгч Х.Баттулга өөрийн шадар туслах Л.Түвшинжаргалаа шүүгчээр томилуулахаар болжээ. Тодруулбал, 2020 оны тавдугаар сарын 20-нд Шүүхийн Ерөнхий зөвлөлөөс Ерөнхийлөгч Х.Баттулгад өргөн мэдүүлсэн "Анхан болон давж заалдах шатны шүүгчийн албан тушаалд томилуулах тухай саналыг Монгол Улсын Ерөнхийлөгчид өргөн мэдүүлэх тухай” 61 дүгээр тогтоолд Л.Түвшинжаргалыг Нийслэл дэх захиргааны хэргийн анхан шатны шүүхийн шүүгчийн албан тушаалд томилуулах санал гаргажээ.
Нийслэлийн захиргааны хэргийн анхан шатны шүүхийн шүүгчийн албан тушаалд томилогдохоор нэр дэвшээд буй Л.Түвшинжаргал нь Ерөнхийлөгчийн шадар туслах хэмээн УИХ-ын гишүүн Б.Энхбаяр жиргэжээ.
