Өчигдөр буюу 2020.02.12-нд Япон Улсаас дахин 1000 ширхэг оношлуур иржээ. Шинэ төрлийн коронавирус /Covid-19/-ийн халдварын 100 гаруй сэжигтэй тохиолдол Монгол Улсад бүртгэгдсэн учраас тус вирусийг оношлох оношлуур зайлшгүй шаардлагатай юм.
Өмнө нь нэгдүгээр сарын 27-нд Японы Халдварт өвчний үндэсний хүрээлэнгээс 200 оношлуур ирсэн бөгөөд тэдгээр оношлуураас ердөө 30 гаруй оношлуур үлдээд байгаа гэнэ.
Дэлхийн эрүүл мэндийн байгууллагаас Монгол Улсад 3000 оношлуур өгөх бөгөөд уг оношлуур энэ долоо хоногт ирнэ гэдгийг албаныхан мэдэгдээд байна.
