Согтууруулах ундаа хэрэглэсэн үедээ дулааны шугамын худагт унасан иргэнийг эсэн мэнд гаргажээ.
Тодруулбал, өчигдөр Орхон аймгийн Баян-Өндөр сумын Хүрэнбулаг багийн нутагт дулааны шугамын худаг руу хүн унасан тухай дуудлага Онцгой байдлын газарт 22:26 цагт иржээ.
Дуудлагын дагуу тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид 3.5 километр зам туулан 22:31 цагт очиход согтууруулах ундаа хэрэглэсэн 59 настай, эрэгтэй 4 метр гүн дулааны шугамын худагт унасан байсан аж.
Тус иргэнийг 8 минутын хугацаанд худагаас эсэн мэнд гаргаж, эмнэлгийн байгууллагад хүлээлгэн өгчээ.
Эх сурвалж: ОБЕГ
