Эрүүл мэндийн яамнаас коронавирусийн халдварын нөхцөл байдлын талаар цаг үеийн ээлжит /2021.03.15/ мэдээлэл хийлээ. Нийт 9410 сорьцод шинжилгээ хийхэд 122 хүнээс халдвар илэрч улсын хэмжээнд батлагдсан тохиолдол  4082 боллоо.

ХӨСҮТ-ийн дэд захирал Э.Тэмүүлэн:

"Сүүлийн 24 цагт зөөвөрлөгдсөн нэг тохиолдол бүртгэгдсэн. Тухайн хүн Нурсултан-Улаанбаатарын онгоцоор ирсэн бөгөөд нийт зөөвөрлөгдсөн тохиолдол 424 боллоо. Шинээр батлагдсан 122 тохиолдлын 116 нь халдвартай хүмүүсийн ойрын хавьтлууд бол 5 хүний халдварын эх уурхайг тогтоохоор ажиллаж байна.

Халдварын эх уурхайг нь тогтоож байгаа хүмүүсийн байршил:

• ХУД-ийн 20 дугаар хороо,
• БГД-ийн 4, 16 дугаар хороо

Сүүлийн хоногт 30 хүн эмчлэгдэн эмнэлгээс гарснаар нийт эдгэрсэн хүнийй тоо 3,031 боллоо. Өнөөдрийн байдлаар нийт 973 хүн эмчлэгдэж байгаагаас биеийн байдал нь хөнгөн 900 хүндэвтэр 65, хүнд 6 , маш хүнд 2 хүн байна" гэлээ.