Өмнөговьчууд 2019 оныг Хөдөө аж ахуйн үйлдвэржилтийн жил болгон зарласантай холбогдуулан малчид, иргэд, газар тариалан эрхлэгчдийг дэмжсэн ажлуудыг хийж байна.
Махны үйлдвэрийг Даланзадгад хотноо байгуулж байнгын ашиглалтад орууллаа. Төр, хувийн хэвшил, Говийн оюу хөгжлийг дэмжих сангийн хамтарсан 3,8 тэрбум төгрөгийн хөрөнгө оруулалтаар мах хадгалах зоорь, лаборатори бүхий бог, бод мал нядлах, мах боловсруулах үйлдвэр байгуулжээ. Үйлдвэр ашиглалтад орсноор зуу гаруй ажлын байр бий болохын зэрэгцээ малчдын орлого нэмэгдэнэ.
Мөн уурхайнуудад мах, махан бүтээгдэхүүн нийлүүлэх боломжтой юм байна.
