Ардчилсан намын ээлжит "4/11" мэдээллийн цаг боллоо. Энэ үеэр Ардчилсан намын дарга О.Цогтгэрэл "Ерөнхий сайдыг огцруулах бичигт бүлгийн 42 гишүүнээс 40 нь гарын үсэг зурсан. Ж.Баясгалан гишүүн хувийн шалтгаантай байгаа. Намын нэгдмэл бодлого, байр суурь гэж зүйл бий. Тодорхой хүмүүст хариуцлага тооцох асуудлыг санал гаргана" гэв.

Дашрамд дурдахад, өнгөрөгч долоо хоногийн мэдээллийн цагийн үеэр АН-ын бүлгийн дэд дарга Б.Жаргалан "Ерөнхий сайдыг огцруулах бичигт АН-ын бүлгийн бүх гишүүн санал нэгтэйгээр гарын үсгээ зурсан" гэх мэдээллийг өгсөн. Харин УИХ-ын гишүүн Ч.Лодойсамбуу цахим хуудаснаа "Би зураагүй, зурахгүй" гэдгээ илэрхийлсэн юм.