Эдийн засгийн байнгын хороо хуралдаж байна. Хуралдаанаар Худалдаа, аж үйлдвэрийн танхимын тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Д.Энхтүвшин нарын 2 гишүүн 2025.12.17-ны өдөр өргөн мэдүүлсэн, хэлэлцэх эсэх/ асуудлыг хэлэлцэж байна. Энэ үеэр УИХ-ын гишүүн Д.Энхтүвшин "Би улстөрч болох гэж энд орж ирээгүй. Хувийн хэвшлийн хөгжил дэвшилд дэм болъё гэдэг агуулгаар МАН-ын саналыгхүлээн авч, улс төрд орж ирсэн. Гэхдээ би намын үзэл баримтлалд баригдахгүйгээр дуу хоолойгоо илэрхийлж явсан" гэлээ.