Ардчилсан намын XVIII Их хурал болж байна. Тус хурлын нээлтийн үеэр Ардчилсан намын дарга О.Цогтгэрэл нийгэм, цаг үеийн нөхцөл байдал болон цаашдын чиг хандлагын талаар илтгэлээ танилцууллаа. Тэрбээр эл илтгэлдээ "Ашигт малтмалын баялгийг хувааж идэж, хусмаар нь сонгуулиа хийж төрийн эрх мэдлийг худалдаж авдаг бүлэглэл 10 гаруй жил хяналтгүйгээр засаглалаа. Ардын намын дарга нар УИХ-ын танхимд “Би их идсэн. Чи надаас ч их идсэн” гэж эрээ цээргүй, ил цагаан ярьж байна. Өмнөх даргаа "буудаж" хаяад дараагийн даргаа баатраар тодруулдаг МАН-ын тоглоом өнөө цагт ч үргэлжилж байна" гэв.