ЗГХЭГ-ын дарга Б.Энхбаяр цаг үеийн асуудлаар мэдээлэл өглөө. Тэрбээр УИХ-ын гишүүн Л.Оюун-Эрдэнийн өөртэй нь холбогдуулан гаргаж тавьсан мэдээллүүдэд өөрийн байр сууриа илэрхийлсэн юм. Тэрбээр "Намайг их хэмжээний хахууль авсан, эрх мэдлээ хэтрүүлсэн гэх мэдээллийг их “хөгжөөж” байгаа. Могой гэдэг нэртэй болсон. Би могой жилтэй л дээ. АТГ Л.Оюун-Эрдэнийн мэдээллийг бүрэн шалгаж, тогтоон хариу өгөх ёстой. Би энэ асуудалд маш хүлээцтэй хандаж байгаа" гэв.