АН цахим сайтдаа иргэдийн хувийн нууц мэдээллийг дур мэдэн зөвшөөрөлгүй байршуулсан асуудал үүссэн. Тодруулбал, тус намын An.mn сайтын "Бүртгүүлэх" хэсэгт хэн нэгний регистрийн дугаарыг оруулбал, овог нэр, гэрийн хаяг зэрэг мэдээллүүд гарч ирж байв.

Энэ талаар тус намын Ерөнхий нарийн бичгийн даргын үүрэг гүйцэтгэгч Д.Амарбаясгалан тайлбар өгөхдөө "2 сая гаруй иргэний овог нэр, нас, хүйс, гэрийн хаяг зэрэг мэдээлэл Ардчилсан намд СЕХ-ноос 2024 оны 5-р сард ирсэн. УИХ-ын сонгуулийн тухай хуулийн 20.15-ын дагуу тухайн сонгуульд оролцохоо илэрхийлсэн намуудад сонгогчдын 5 агуулга бүхий мэдээллийг цахимаар олгодог.

Бидэнд ямар ч хуулийн зөрчил байхгүй. Харин иргэд өөрсдөө мэдээллээ цахим орчин, хэвлэл мэдээллийн хэрэгслээр цацсан учраас түр хугацаанд энэ мэдээллийг хязгаарласан" гэв.