"Эрэл"-ийн Б.Эрдэнэбатын гэрт үйлчлэгчээр ажиллаж байхдаа учир битүүлэг шалтгаанаар амиа алдсан гэх Филиппин улсын иргэн Террил Атиензагийн гэр бүлийнхэн өчигдөр Монголд ирсэн билээ. Улмаар өнөөдөр хэргийг сэргээн шалгуулах хүсэлтээ УЕПГ-т хүргүүлсэн юм.

Тэгвэл УЕП-ын орлогч М.Чинбат Төрийн ордонд сэтгүүлчдэд өгсөн мэдээлэлдээ "Би тухайн иргэдийг хүлээн авч уулзсан. Тэд хавтаст хэрэгтэй танилцах хүсэлтээ өмгөөлөгчийн хамтаар гаргасан. Ийм учраас хэргийг мөрдөх байгууллагад шилжүүлж, хавтаст хэрэгтэй танилцах ажлыг зохион байгуулахаар шийдвэрлэсэн. Өөрөөр хэлбэл, ар гэрийнхнийх нь хүсэлтийг прокурорын байгууллага хүлээн авсан" гэлээ.