Оюутолгойн бүлэг ордын асуудлаарх сонсгол өнөөдөр зээлийн хүү болон Дубайн гэрээний асуудлаар явагдаж өндөрлөлөө. Энэ үеэр "Эрдэнэс Оюутолгой" ХХК-ийн гүйцэтгэх захирал асан Да.Ганболд оролцсон юм.
УИХ-ын гишүүн Б.Баярбаатар "Да.Ганболд та, Монголын хойч үед ийм хортой гэрээ төлөвлөгөө нь мэдэгдэхгүй юм байгуулчихаад "Хэцүү байсан" гэж уянгалах шаардлагагүй. Та нар хэзээ нэгэн цагт хариуцлага хүлээнэ" гэв.
Харин Да.Ганболд "Гавьяа гээд яах вэ. Хийх ажлаа л хийж байсан хүмүүс. Дубайн гэрээ байгуулсны маргаашаас 5 миллиард ам.доллар Монголд орж ирсэн. Түүх харуулна" гэсэн юм.
