УИХ-ын гишүүн Ч.Лодойсамбуу байнгын хорооны хуралдааны үеэр Хотын дарга Х.Нямбаатарыг нүүрсний чанар хүртээмж асуусан сэтгүүлчийн асуултад "Чи хаанаас явж байгаа юм" гэх мэтээр хариулсанд шүүмжлэлтэй хандаж буйгаа илэрхийлсэн байдаг. Тэгвэл эл асуудалд Хотын дарга Х.Нямбаатар дараах байр суурийг илэрхийлэв.

Тэрбээр "Биднийг нэг сэдэвтэйгээ 20 жил хэрэлдэж, өдөр бүр жалга довны хэрүүл хийх зуурт C5-ын орнуудын эдийн засаг хурдацтай өсч Казакстан Боловсролын салбартаа Open AI тай гэрээ байгуулж, Киргиз Дэлхийн нүүдэлчдийн наадам (World nomad games) брендийг өөрийн болгож баталгаажуулж байна даа. Нүүрсний илчлэг, агаарын чанарыг нүд, амаараа хэмжсэн ямар ч шийдэл ярьдаггүй зарим гишүүн дүү нарт харамсах юм даа. Тэд минь муу л байвал сайн гэсэн зарчимтай. Нэг ч эдийн засгаа тэлэх солонгоруулах хууль санаачилж үзээгүй. Ажил хийж байгаа хүн бүрийг дуудаж загнадаг гишүүдтэй азгүй ч юм аа даа бид" гэжээ.