Нийслэлийн шуурхай хуралдаан боллоо. Энэ үеэр Хотын дарга Х.Нямбаатар дүүргийн удирдлагуудад хандан, худалдаа үйлчилгээ эрхлэгч нарт зөвшөөрөл олгох асуудалд хүнд суртал үүсгэхгүй байхыг анхааруулсан юм. Тэрбээр "Та нар яагаад үйлдвэр, үйлчилгээ эрхлэх гэсэн хүмүүсийг боож хаагаад бухимдуулаад байгаа юм бэ. Зөвшөөрлийг нь гацааж байгаа дарга нараа үг дуугүй сольцгоо. Ажил хийх сэтгэлтэй залуучуудыг томилоод яв.

Худалдаа, үйлчилгээний зөвшөөрлийг бүхэлд нь дүүргүүдэд шилжүүлсэн. Гэтэл хачир дээрээ үйлчилгээ эрхлэх гэсэн хүмүүст дүүргийн худалдаа, үйлчилгээний хэлтсийн нөхөд чирэгдэл үүсгэдэг асуудал байна. Бид бизнесийг дэмжинэ, боломж олгоно гэж яриад байдаг гэтэл зөвшөөрөл өгдөг мэргэжилтэн нь хариу өгөхгүй хэдэн сар таг чиг алга болчихдог байж таарахгүй. Шалгалт оруулж, иргэдэд чирэгдэл үүсгэж, эс үйлдэхүй үйлдэж байгаа алба хаагчдад хариуцлага тооцно. Энэ мэт бусдыг чирэгдүүлдэг хүмүүстэй хамтарч ажиллахгүй" гэлээ.