УИХ-ын чуулган өнөөдөр ээлжит бусаар 15.00 цагт хуралдахаар болжээ. Тус хуралдаанаар Ж.Энхбаярыг ЭЗХ-ийн сайдаар, УИХ-ын гишүүн М.Бадамсүрэнг ХХААХҮ-ийн сайдаар томилох асуудлыг хэлэлцэх юм.

Эргэн сануулахад, УИХ-ын даргаар Н.Учралыг томилсонтой холбоотойгоор ЭЗХ-ийн сайдад одоогийн ХХААХҮ-ийн сайд Ж.Энхбаярыг томилох саналыг өчигдөр хуралдсан МАН-ын бүлэг дэмжсэн юм. Улмаар Ж.Энхбаярын оронд УИХ-ын гишүүн М.Бадамсүрэнг томилохоор танилцуулж дэмжсэн байдаг.