Малынхаа араас яваад төөрсөн малчныг эсэн мэнд олжээ. Тодруулбал, цаг агаарын аюулт үзэгдлийн улмаас Цогт-Овоо сумаас 43км зайд “Бортээг багийн малчин 42 настай иргэн А малынхаа араас 11 дүгээр сарын 23-ны өдрийн 14:00 цагийн үед яваад ирэхгүй байна” гэсэн дуудлага бүртгэгджээ. Дуудлагын дагуу Цогт-Овоо сумын Онцгой комиссын 4 машин 27 хүн, Цагдаагийн газраас 2 машин 12 албан хаагч, Онцгой байдлын газраас 2 машин 9 албан хаагчтай эрлийн баг эрэн хайх ажиллагааг зохион байгуулж 07:10 минутанд иргэнийг эсэн мэнд олж, ар гэрт нь хүлээлгэн өглөө.