Монголчуудынхаа итгэлийг тээн дэлхий нийтийг омогшуулж, байлдан дагуулж чиглүүлж чадсан ДАЙЧИД багийн 6 гишүүнээр Монгол хүн бүр бахархаж, талархсан өдрүүд өнгөрч байна. Алдарт "Нэтфликс"-ийн шоунд Монгол Улсын баг тамирчид оролцсон. Оролцох, оролцохдоо хүчтэй өрсөлдөгч нь байж, хүчирхэг гүрнүүдийг ардаа орхин дэд байрт шалгарсан гээд онцлох зүйл их бий. Тийм ч учраас Дайчид багийнхан Монголчууд төдийгүй дэлхийн нийтийн анхаарлын төвд байгаа юм.

Энэ шоуны талаар "Physical Asia"-ийн найруулагч Жан Ху Ги "Монголыг шоунд оролцуулах болсон нь өөр үйл явцтай байсан. Нэг, хоёрдугаар улирал цацагдсаны дараа монголчууд надад Солонгосоос 15, Монголоос 15 хүн оролцсон нэвтрүүлэг хийвэл сонирхолтой гэх санал тавьсан. Бидний хувьд үүнээс илүү сонирхолтой хувилбар нь Ази тивийг хамруулах явдал байсан. Тиймээс Ази тивийн хувилбарыг хийхээр шийдсэний дараа тэд бидэнд маш сайн хүмүүсээ санал болгосон" хэмээн онцолсон байна.