Баян-Өлгий аймаг, Улаанхус сум 5 дугаар багийн “Ягаан шовх-Уул” гэдэг газар гэрээсээ гараад сураггүй алга болсон иргэнийг эсэн мэнд олж, ар гэрийнхэнд нь хүлээлгэж өгчээ. Тодруулбал, тус сумын харьяат иргэн А нь энэ сарын 16-ны өдрийн 16.00 цагт гэрээсээ гараад сураггүй болсон тухай дуудлага онцгой байдлын байгууллагад тухайн өдрийн 22:20 цагт ирсэн байна. Аймгийн Онцгой байдлын газрын алба хаагчид Улаанхус сумын чиглэлд явж байхдаа 13:45 цагт тус сумын Даян багийн “Салхитын даваа” гэдэг газар /гэрээс нь урд зүгт 30 км/-аас эсэн мэнд олжээ.