МАН-ын 31 дэх Их хурал Буянт-Ухаа спорт цогцолборт өнөөдөр эхэлсэн билээ. Эхний өдөр намын удирдлагууд илтгэл тавьж, дараа нь намын даргад өрсөлдөгч Н.Учрал, Б.Лхагважав нар мөрийн хөтөлбөрөө танилцуулж, гишүүдийн асуултад хариулсан. Улмаар нууц санал хураалт явуулж, 94.95 хувийн саналаар Эдийн засаг, хөгжлийн сайд Н.Учрал ялалт байгуулан, МАН-ын даргаар сонгогдлоо.
Тэгвэл маргааш хоёр дахь өдрөө үргэлжлэх хурлаар дараах асуудлуудыг хэлэлцэнэ. Үүнд:
-Намын үндсэн дүрмийг Улс төрийн намын тухай хуульд нийцүүлэн, өөрчлөн батлах;
-Монгол Ардын Намын хөтөлбөрийг батлах;
-Намын бага хурал болон Хяналтын ерөнхий хороог шинэчлэн байгуулах асуудлыг хэлэлцэнэ.
