"Squid Game" цувралын жүжигчин О Ён Су-гийн бэлгийн хүчирхийллийн хэргийг Өмнөд Солонгосын шүүхээс цагаатгасан байна. Өдгөө 81 настай түүнийг 2022 онд нэгэн эмэгтэйд хоёр удаа бэлгийн хүчирхийлэл үйлдсэн хэргээр буруутгаж байсан аж. Тодруулбал, түүнийг тухайн эмэгтэйг хүчээр тэвэрч, хацар дээр нь үнссэн хэмээн буруутгаж байжээ.

Улмаар 2024 онд жүжигчин О Ён Су-г гэм буруутайд тооцож, найман сарын тэнсэн харгалзах ял оноосон байна. Харин тэрбээр шүүхийн шийдвэрийг эсэргүүцэн давж заалдсанаар өнгөрсөн мягмар гарагт буюу өчигдөр шүүх гомдлыг хэлэлцжээ. Ингээд шүүх түүнийг цагаатгах шийдвэр гаргасан байна.