Эмч нар энэ сарын 13-наас цалингаа нэмүүлэхийн тулд ажил хаяхаар болоод буй.
Үүнтэй холбогдуулан эмч нарын төлөөлөл өнөөдөр мэдээлэл хийлээ. Энэ үеэрээ эмч нарын төлөөллөөс "Эмнэлгүүд 0 зогсолт хийхэд ойрхон байна. ЭМ-ийн сайд эмч нарын цалингийн асуудалд үүрэг чиглэл авсан бололтой. Таг дуугүй байна. Эмч нарынхаа цалинг нэмэхгүй байж, барилгын суурь нь ч тавигдаагүй Эко таур, Хүннү хотын захирагчийн алба сард жилд 163 тэрбум 740 мянган төгрөгийн түрээс төлөөд ажиллаж байна. Энэ сарын 12-нд Үндэсний хэмжээний жагсаал зохион байгуулна. 13-наас эмч нар ажил хаяна. Эмч нарын цалинг 3.5 сая төгрөг болгохыг шаардаж байна. Шууд 3.5 сая төгрөг болго гэж шаардахгүй. Хэлэлцээрийн ширээний ард сууя гэж байна" гэлээ. " хэмээлээ.
МҮЭХ-ны Ерөнхийлөгч Э.Тамир "УИХ-ын гишүүд камерын өмнө "Эмч нарын цалинг нэмье" гэж дуугарч байгаа ч чуулганы хурал дээр энэ саналыг УНАГАЛАА. Ж.Чинбүрэн өнгөрсөн баасан гарагт салбарын үйлдвэрчний эвлэлийнхэнтэй уулзана гэсэн боловч 6 цаг хүлээлгээд ирээгүй. Бид Ерөнхийлөгч өргөх бичиг барьж, хандах болно" гэлээ.
