Монгол Улсын хөлөг онгоцны бүртгэлд 30 гаруй улсын 352 хөлөг бүртгэлтэй бөгөөд гол төлөв Ази, Номхон далайн бүсийн орнуудад аялдаг байна.

Далбааны эзэн улсын олон улсын гэрээгээр хүлээсэн эрх, үүргийн хэрэгжилтэд ОУДБ-аас 2016 онд аудит хийж, Монгол улс далайчдыг сургах стандарт, гэрчилгээ олгох болон ээлжийн ажиллагааны тухай олон улсын конвенцийн 2010 оны нэмэлт, өөрчлөлтийг баталж, хэрэгжүүлэх шаардлагатай гэсэн зөвлөмж гаргажээ. Уг конвенцийн 12-р зүйлийн долдугаар хэсэгт заасны дагуу манай улс хоёр жилийн дотор ОУБД-д аливаа мэдэгдэл хүргүүлээгүй тул уг нэмэлт, өөрчлөлтийг УИХ-аар соёрхон батлуулах шаардлага үүссэн байна.