Шатахууны нөөц, нийлүүлэлтийн талаар "НИК Петровис" ХХК-ийн Толгойт агуулахын ахлах нярав Б.Баяржаргал мэдээлэл өглөө. Тэрбээр "ОХУ-аас шатахуун тасралтгүй орж ирж байна. Толгойт өртөө, Петровисын агуулах дээр 11 вагон яг одоогоор бууж байна. Үүнээс 4 вагон АИ-92 буюу (300 мянган литр), 7 вагон Евро дизелийн түлш (525 мянган литр) бууж байна. Үдээс хойш 2 дах ээлжээр 9 вагон АИ-92 хүлээж авна (675 мянган литр), 16 цаг орчимд буулгалт эхэлнэ" гэв.
