МАН-аас цаг үеийн асуудлаар мэдээлэл хийлээ. Тодруулбал, өнгөрөгч амралтын өдрүүдэд болсон МАН-ын Бага хурлын үеэр намын даргыг сонгох санал хураалт дүрэм зөрчсөн буюу хүчин төгөлдөр бус гэх мэдээлэл гараад буй юм. Үүнтэй холбоотойгоор УИХ-ын гишүүн Б.Баярбаатар "Өнгөрсөн хугацаанд өрсөлдөгчгүй ганцхан нэр дэвшигч байсан ч нууцаар санал хурааж ирсэн. Санал хураалт бүрийн өмнө ирцээ шалгадаг. Хоёр дахь санал хураалтын өмнө ирцийг шалгахад 321 хүн байсан. Үүнээс 275 нь Д.Амарбаясгаланг дэмжиж, 46 нь цагаан хуудас илгээсэн" гэлээ.
