Сүүлийн өдрүүдэд "Буга хүн рүү дайрч байна" гэх гомдол, дуудлага, мэдээлэл ирэх нь нэмэгджээ. Энэ талаар Богдхан уулын дархан цаазат газрын Хамгаалалтын захиргаанаас тодруулахад, "Жил бүрийн 9 болон 10 дугаар сард бугын үржил, ороо нийлгэний үе эхэлж, Богдхан уулын бугын дуудлага нэмэгддэг. Тодруулж хэлбэл, үржлийн буюу нийлгэний үеэр эр буга ууртай, ширүүн, шийдэмгий болж ойртсон, цочоосон амьтад руу дайрах, мөргөх зэрэг үйлдэл гаргах нь элбэг. Иймд ууланд алхагчид, аялагчид болон Богдхан уулын орчны бүсэд амьдарч буй иргэд та бүхэн зөвхөн батлагдсан аялалын зам, маршрутаар явах мөн ууланд ойд явахдаа аливаа эрсдэлтэй үйлдэл хийхгүй байх, зураг авах, дуу чимээ гаргахгүй байхыг анхааруулж байна" гэлээ.
