Монголын мэргэжлийн боксын түүхэнд хамгийн өндөр амжилттай яваа тамирчдын нэг, Монгол Улсын гавьяат тамирчин Эрдэнэбатын Цэндбаатарын ээлжит тулааны тов тодорлоо. Тэрбээр 11-р сарын 7-нд АНУ-ын Флорида мужид рингэн дээр гарч, 14 дэх тулаанаа хийхээр болжээ.

Цэндбаатарын энэ удаагийн өрсөлдөгч нь Мексикийн шилдэг боксчдын нэг Брэндон Леон Бенитез байх аж. Өдгөө 27 настай, 170 см өндөр, 173 см гарын алдтай тэрбээр 2014 онд мэргэжлийн рингэнд хөл тавьснаас хойш нийт 25 тулаан хийж, 21-д нь ялалт байгуулсан бөгөөд есийг нь хүнд цохилтоор дуусгажээ. Харин дөрвөн ялагдлынхаа гуравд нь хүнд цохилтод орсон. Мөн сүүлийн хоёр тулаандаа дараалан ялагдал хүлээгээд байгаа юм.

Харин Э.Цэндбаатарын хувьд мэргэжлийн боксын замналдаа одоогоор 13-н тулаанд орж нэг ч ялагдал хүлээгээгүй байгаа аж. Э.Цэндбаатар тус 13 тулааныхаа зургаад нь өрсөлдөгчөө хүнд цохилтоор дуусагсан байна. Энэ үзүүлэлт нь түүнийг дэлхийн чансааны эрэмбэтэй тулаанчдын нэг болгож, мэргэжлийн боксын ертөнцөд албан ёсоор байр сууриа баталгаажуулж буйг харуулна.