Төр, нийгмийн нэрт зүтгэлтэн, хөдөлмөрийн баатар, гавьяат тамирчин, ХХ зууны манлай дархан аварга Бадмаанямбуугийн Бат-Эрдэнийн нэрэмжит 2025 оны өсвөр үе, залуучуудын улсын аварга шалгаруулах барилдааныг зохион байгуулахаар болжээ.
Барилдаан ирэх аравдугаар сарын 21-25-нд Хэнтий аймгийн Чингис хотод болно. Өсвөрийн барилдааныг 16, 17, 18 насны ангиллаар зохион байгуулах бөгөөд “Е” серийн гадаад паспорт авсан хөвгүүд оролцох аж.
16 насанд: 2009.01.01-2009.12.31-ний хооронд төрсөн хөвгүүд,
17 насанд: 2008.01.01-2008.12.31-ний хооронд төрсөн хөвгүүд,
18 насанд: 2007.01.01-2007.12.31-ний хооронд төрсөн хөвгүүд тус тус барилдана.
Залуучуудын барилдаанд:
19-20 нас: 2005.01.01-2006.12.31-нд төрсөн залуучуудыг оролцуулахаар удирдамжид тусгасан байна.
