ЦЕГ-ын Хар тамхитай тэмцэх газраас энэ сарын 4-5-нд шилжих шөнө хар тамхи, мансууруулах бодис хууль бусаар олж авч, борлуулсан 2 бүлгийн 11 этгээдийг саатуулжээ. Тодруулбал, тэднийг Улаанбаатар хотын нутаг дэвсгэрээс саатуулсан бөгөөд нийт 4 төрлийн бодис, хэрэглүүр, бэлэн мөнгө, 11 ширхэг гар утас, 6 тээврийн хэрэгслийг эд мөрийн баримтаар хураан авч, мөрдөн байцаалтын ажиллагаа явуул байна. Сэжигтнүүд нь 30 орчим насныхан бөгөөд хоёр нь эмэгтэй байжээ. Мөн өмнө нь энэ төрлийн гэмт хэргээр ял шийтгүүлж байсан этгээдүүд аж.
