Нийгэмд шударга ёсыг бэхжүүлэх, авлига, албан тушаалын гэмт хэрэгтэй тэмцэх ажлыг эрчимжүүлэх ажлын хэсгийн хуралдаан боллоо. Энэ үеэр ажлын хэсгийн ахлагч, ЗГХЭГ-ын Тэргүүн дэд дарга Д.Мөнх-Эрдэнэ "Төрийн нууцад албаны нууц гэх ойлголт өмнө нь байгаагүй. Гэтэл Төрийн болон албаны нууцын тухай хууль баталж, хэрэгжүүлснээр төрийн анхан шатны мэдээлэл ил тод биш болсон. Дуртай нь хүссэн үедээ тушаал гаргаж, байгууллагын мэдээллээ албаны нууцад хамааруулдаг болчихсон. Энэ нь авлигын индекс уруудах бас нэг шалтгаан болж байна. Тиймээс уг хуульд нэмэлт өөрчлөлт оруулна" гэв.