Ардчилсан намын даргын сонгуультай холбоотойгоор УИХ-ын гишүүн, ҮБХ-ны Дотоод сонгуулийн хорооны дарга С.Эрдэнэболд тэргүүтэй гишүүд мэдээлэл хийж байна. Энэ үеэр тэрбээр "АН-ын даргыг ҮБХ-ны 390 гишүүн сонгох болохоос аль нэг нам, мөнгө, явцуу ашиг сонирхол шийдэх боломжгүй. Бидэнд гашуун туршлага байгаа. Өмнө нь АН хоёр хуваагдсан асуудал гарч байсан учраас бүхий л хурал, шийдвэрүүдийг аудио, видео, цаасан протоколын дагуу баримтжуулж байгаа. АН-ын даргын сонгууль бол нийгмийн дуудлага, захиалга. Ядуурал, утаа, түгжрэлийн асуудалд шинэчлэл хэрэгтэй" гэв.
