Дулааны улиралд чанга дуутай мотоцикл иргэдийн тайван амгалан байдлыг алдагдуулж тухгүйдүүлдэг тухай иргэд шүүмжилдэг. Ялангуяа нялх хүүхэдтэй хүмүүст чанга дуутай мотоцикл багагүй төвөг ууддаг билээ. Тэгвэл нийслэлд хэт чанга дуу чимээ гаргадаг машин, мотоциклийг хориглох шийдвэр гарчээ.

Олон улсын дүрмээр хотод өдөр 55, шөнө 45 децибелийн чимээ гаргахыг зөвшөөрдөг. Гэтэл Улаанбаатар хотод өдөр 80, шөнө бүр ихсэж 115 децибелийн чимээ гаргаж байгаа юм байна. Тийм учраас хиймэл оюун ухаан дээр суурилсан камераар хянаж торгох асуудлыг НИТХ хэлэлцэх гэж байна.