Л.Оюун-Эрдэнийн хамтарсан Засгийн газар огцорсонтой холбоотойгоор Ардчилсан намын дарга Лу.Гантөмөр "Намын даргын ажлаа өгнө" гэж мэдэгдсэн. Тэгвэл АН-ын дараагийн дарга хэзээ тодрох вэ гэдэгт олон нийт анхаарлаа хандуулж буй. Улс төрийн намын тухай хуулийг дагаж мөрдөх журмын тухай хуулиар аливаа улс төрийн намууд энэ онд багтаж дүрэм, хөтөлбөрөө зайлшгүй шинэчлэн баталсны дараа намын даргаа шинэчлэх ёстой.

Тэгвэл Ардчилсан намын зүгээс наймдугаар сарын сүүлийн долоо хоногт намын ҮБХ, Их хурлаа хуралдуулахаар төлөвлөжээ. Харин намын дараагийн даргыг есдүгээр сард багтаж тодруулах юм байна.