Сонгинохайрхан дүүргийн 32 дугаар хороонд 2.6 км авто зам тавьж буй. Тус замын ажил 70 хувийн гүйцэтгэлтэй үргэлжилж байгаа бөгөөд 32-р хорооны "Шонхор" худалдааны төвөөс 640 хүүхдийн суудалтай сургууль хүртэл зайнд тавигдах юм. Замын гүйцэтгэгчээр "Экспресс зам" ХХК ажиллаж буй. Нийслэлийн төсвийн хөрөнгө оруулалтаар хийж байгаа тус авто замыг ирэх арваннэгдүгээр сард ашиглалтад оруулах юм байна.