Шинэ Засгийн газрын сайд нар өөр өөрсдийн яаман дээрээ очиж, ажлаа хүлээн авлаа. Хууль зүй, дотоод хэргийн сайдаар томилогдсон Л.Мөнхбаатар сайд асан О.Алтангэрэлээс тамгаа хүлээн авсан юм.
Л.Мөнхбаатар ажлаа авсныхаа дараа "Ажлын анхны гараагаа эхлүүлж байсан Хууль зүй, дотоод хэргийн яам, харьяа байгууллагын удирдлагууд, ажилтан, албан хаагчид халуун дотноор угтан авлаа.
Хууль зүй, дотоод хэргийн яамны хамт олонтойгоо хамтран Монгол Улсын урт хугацааны бодлого “Алсын хараа-2050”, дунд хугацааны зорилт “Шинэ сэргэлтийн бодлого” зэрэг төрийн залгамж чанарыг хадгалан, Монгол Улсын Засгийн газраас хийж хэрэгжүүлж байсан эрхзүйн шинэтгэлийг үргэлжлүүлэн, хууль засагладаг, шударга, хүний эрхийг дээдэлсэн эрх зүйн орчин бүрдүүлэх зорилт тавин ажиллах болно" гэлээ.
