Ерөнхий сайд Л.Оюун-Эрдэнэд итгэл үзүүлэх эсэх тогтоолыг УИХ-д хүргүүлж, ирэх долоо хоногт хэлэлцэхээр болсон. Эл тогтоолын төслийг УИХ 10 хоногийн дотор хэлэлцэн шийдвэрлэх хуулийн заалттай талаар УИХТГ-аас мэдээлсэн байдаг. Тэгвэл Засгийн газрын үйл ажиллагаа цаашид хэрхэх эсэх асуудал яригдаж буй энэ цаг үед гадаадын хөрөнгө оруулалтын нөхцөл байдал ямар байгаа талаар Шадар сайд Т.Доржхандаас тодруулахад "Эрчим хүчний салбарт эхлүүлсэн бүх гэрээ хэлцэл ЗОГСЧИХООД БАЙНА. Бүх зүйл таг гацчихлаа. Хөрөнгө оруулагчдад 6 сарын Засгийн газар үүсэх эрсдэлтэй юм байна гэдэг дохио очиход хүрч байна" гэв.