УИХ-ын чуулганы хуралдаанаар “Монгол Улсын хөгжлийн 2026 оны төлөвлөгөө батлах тухай” Улсын Их Хурлын тогтоолын төслийн хоёр дахь хэлэлцүүлгийг хийж эхэллээ. Энэ үеэр УИХ-ын гишүүн О.Саранчулуун "Хөгжлийн бэрхшээлтэй иргэд нийгмийн даатгал төлж байгаа ч банкнаас зээл авч чадахгүй байна. Зээл авч чадахгүй байгаагаас эргээд л халамжийн зам руу явахаас өөр аргагүй байна " гэлээ. Түүний асуултад Монголбанкны дэд Ерөнхийлөгч Г.Энхтайван "Тухайлсан кейс байвал Төвбанкнаас хяналт шалгалт явуулж, ялгаварлан гадуурхалт гаргасан банк, санхүүгийн байгууллагад арга хэмжээ авна" гэсэн юм.